اغنيه انت مين بيصدقك
هو أنت مين بيصدقك علشان عايزني اصدقك
وارجع اسامحك من جديد من تاني وارجع اعشقك
قلبي اللي كان ملك لايديك وعاش حياته وعمره ليك
بقي صعب تاني يأمن ليك شيء مستحيل لو يسمعك
عايز ايه ما كفايه قلبي ضحكت عليه
حبك وكنت بتلعب بيه ازاي اصدق تاني وليه
قلبي يرجع يعيش من تاني جراح
ما خلاص نسيك وخلاص ارتاح
ارجع لحبك ليه وعلي ايه
انت اللي بايدك بعتني ونسيت هوايا جرحتني
متلومش غير نفسك عشان من بين ايديك ضيعتني
كام مرة صدقتك وكام مرة كدبت عليا حرام
احنا اللي بينا مكنش غرام راح اللي بينا خسرتني
^
^
اغنيه تسلم
روح يالا العب غيرها وماتجيش وبجملت
يجي ميت حاجه اتقالت ومفيش حاجة كملت
كلمنجي اوي وبتحب تبان واحد غلبان وانا باجي عليه
كلمنجي وعمال علي بطال اللي بيتقال بتغير فيه
تسلم وفر علي نفسك اي كلام علشاني تسلم
لو متهيالك هرجع تاني تبقي بتحلم
انا رحت وراحت برضه عليك
تسلم فهمتك اني نسيت طب ليه مش عايز تفهم
هتعب من بعدك بس انا تعبي فى بعدك ارحم
من تعبي اللي انا شفته علي ايديك
مش حلوة في حقي اجي وارجع ليك لو تيجي
عيب قوي ميصحش افكر فيك ودي تيجي
^
^
اغنيه حاجي على نفسي
انا هاجي علي نفسي وهبعد يمكن انسي هواك
عشان مالقيتش راحتي معاك ولا مرة من نفسي
مش لازم استني خلاص مبقاش لقلبي مكان
اتاري لكل وقت أدان ودي دنيا مش جنة
احلام بيك افتكرت هحققها وفي ليله نمت مصدقها
وصحيت لقيتها كلام
وياريت انا اخدت بالي من الاول كان العذاب مش هيطول
ولا بالندم حسيت
انا ضاع كتير مني لكن دلوقت لازم افوق
واشيل من قلبي كلمه شوق ايه يمنعني
اهي فترة وتعدي ولو هتفوت عليا سنين
مسيري الاقي ناس تانين باقيين علي وعدي
^
^
اغنيه حد بيحب
ده كان لي فين ومين كان يقول انا اعيش لحد طول حياته ماقابلنيش
ولسه عارفه من مفيش
قوام قوام لقيت نفسي يومها جريت عليه وليه يوميها روحت حكيت
كلام كتير ميتحكيش
انا اللي ياما قولت انا وانا وانا
نسيت فى يوم اللي قولته كام سنه
وانا اللى يعرفني من بعيد شافني يوميها ماعرفنيش
فى حد بيحب حد قوي كده
فين انا كان لي بس كل ده
ما كنت انا بعقلي واللي انا حصلي قبله ماحصليش
ايه اللي فى بايديا أهقدر اعمله
غير اني اسيب نفسي لما ابصله
ده لما كلمني قلبي راح مني
ليه ومارجعليش
^
^
اغنيه زي كل مره
زي كل مرة لو جت سالت عليا عارفين هتقولوا ايه
قولولها مش بيجي وحاضر لما يجي هنسلملك عليه
قولولها اي كلام متخلهاش تسال عليه
وهي مع الايام هتنسي بس شويه .. شويه
متخلوهاش تحس بحاجه خلو الحكايه تبان طبيعبيه
هي دي حكايتها خلتني خلاص نسيتها منسيتش هي ليه
ومدام ماحصلش حاجه يبقي مفيش بنا حاجه م اللي اتفقنا عليه
^
^
اغنيه كتر خيري
حد كده ينسي عادي اللى حبه وشاريه
حد كده ينسي روحه واللي هيموت عليه
حد يرضي بجروحه انت عقلك ده ايه
قلبي قاللي مليت خلاص يلا نمشي وكفايه لوم
اصل فيه .. في الدنيا ناس صعب نفهمها في يوم
لحد كده كتر خيري بصراحه ريحت ضميري
لو لاقي راحتك مع غيري يا حبيبي سبني وعيش وياه
كنت جوايا ساكن كنت بعشق عينيك
غلطه يا حبيب لكن اتقل الدور عليك
ده اللى بيخون حبيبه واللي غدره فى عينيه
سهل جدا نسيبه صعب نندم عليه
^
^
اغنيه كلمه شكر
اللي زمان انا اخدت بايديه ولا يوم ايديه اتمدتلي
ضحيت له وتضحياتي ليه فجاة ياقلبي اتنسيتلي
مش لاقي م اللى علمته فيه حاجه بجميله اتشالتلي
ولا لاقي علي اللي عملته ليه كلمه شكر اتقالتلي
جه اللي يوصللي فيه انه مستغني عني
والاقيه لو جيت اسال عليه بينكر نفسه مني
اللي استقوي بيا زمان استقوي قوام عليا
واللي بيداري مني كان ياما بيداري فيا
معقوله احتاج له ملقهوش ويايا دقيقه واحدة
وبجد الناس مبيبنوش غير بس فى وقت الشدة
^
^
اغنيه ليه بفكر
كل جرح بيبقي صعب فى اوله والاصعب لو هعيش اندم عليه
لازم انسي وجرحه ليا استحمله قبل ما يضيع عمري بسال اعمل ايه
مش مهم خدعني مين لسه فى ناس طيبين
والحياة مش واقفه علي اللى خدعني فيه
واهي كانت غلطة مش اكتر ولا يمكن تاني هتكرر
معلش الدنيا دي بتعلم وانا اتعلمت
علي ايه اتعب ليه اتحمل حد مكانليش يوم م الاول
علي قد ماجرحي معاه طول هنساه دلوقت
ليه بفكر فى اللى بعني كتير كده
ليه عذابي فى حد دايما احن ليه
ليه بعيش طيب قوي بالشكل ده
لما اعيش لنفسي مرة هيحصل ايه
ليه بضحي بقلبي سهل ليه مابحسبهاش بعقل
قبل ما امشي طريق اشوف نهايته ايه
الإثنين مارس 30, 2009 12:51 pm
