قصه رائعه بجد

السلام عليكم..!!


بدون مقدمات..!!


قصة حلوة أقروها لا تفوتكم..






على فكرة..

القصة حقيقية..


وهي على لسان واحد اسمه بندر..

الجزء الأولـ..


الصداقة من أقوى العلاقات الانسانية..,

علاقة يميزها أنها تجمع عدة مشاعر وأحاسيس في إطارها مثل المحبة ،التضحية وغيرها..

يمكن أغلبنا أو أقدر أقول يمكن كلنا حصلت له مواقف مع أصدقاءه..

منها الحلو ومنها المر..

منها اللي تقوي العلاقة ومنها اللي تنهيها..

قصتي تتكلم عن هالموضوع..,

تقدرون تقولون إنها تحمل مشاعر أكثر من إنها أحداث..

لكني قررت بعد تفكير طويل اني أعرضها للناس عشان يستفيدون منها..

إحنا كمجتمع للرجال حدود الصداقة غالبا معروفة عندنا..

وأغلبها تكون للوناسة والمصلحة..,

أنا ما أقول الكل بس أكثرها لكن اللي صار معي شي ثاني وهاذي قصتي..
في عام 1408هـ..,

كنا تونا منتقلين للرياض والدراسة بدت من اسبوعين تقريبا..

كنت في سنة رابع ابتدائي دخلت فصلي الجديد وسوا الاستاذ تعارف بسيط بيني وبين الطلاب..

لما جا وقت الراحة طلع الجميع إلا أنا..

دخل ولد اسمراني شعره حوسة واسنانه الاربع الامامية اللي متكسر واللي طايح..

مشمر أكمامه ووجهه كله مخوش وحالته لله إلا إنه رغم كل هالبلاوي فيه شيء يخليها مو باينة!!..

قعد يحوس في شنطته ساعة وكل دقيقة يطلع خرابيط وكل شوي يرفع عينه عندي..

وأخيرا طلع منها نبيطة..

وقبل لا يطلع التفت علي وكان من النوع الي كنه بينطحك وهو يطالع..

منزل راسه شوي ومعبس طول الوقت بس كانت بريئة أكثر من إن تكون مرعبة!!

وقال بلدغة طفولية سببها واضح وهو أسنانه اللي حالتها صعبة:أنت الحين ليش جالس لحالك..؟؟
كانت هاذي أول جملة سمعتها من الانسان اللي صار بعد كذا أغلى البشر على قلبي..

كان معروف عني إني انطوائي ومنعزل هاذي طبيعتي حتى اني اتوتر لما يكلمني أحد ما اعرفه..

رديت عليه: بس كذا أنا ما أبي أطلع وبعدين أنا ما أعرف أحد هنا..

وبنفس النظرات اللي والله أعلم إنها كانت عادة عنده..

تعال معي وأنا أعرفك على نص اللي في المدرسة..

كان يجرني من يدي وأنا أسحبها بخوف..

لا لا أنا كذا مرتاح قلت لك ما أبي اطلع..

لكن الولد أصر لين طلعني معه بالغصب..,

وزي ما قال عرفني على نص المدرسة تقريبا..

لكن تبون الصدق حسيت اني تعلقت فيه هو!!

يمكن عشان شخصيته عكسي تماما اجتماعي, خفيف دم والكل يحبه ويحاول يتقرب منه..

صحيح إنه كان شيطاني ومشاغب لكنه ماكان يتعدى على أحد!!

حسيت إني مبهور بشخصيته ورغم أنه ذكي جداً إلا أنه في الدراسة ما كان بالحيل..

بس كان يعرف يمشي عمره من يومه صغير..

وعلى كثر الأولاد اللي يعرفهم إلا أنه بعد تعلق فيني فوق ما تتصورون..
صرنا ما نتفارق أبد ولا يشوفون واحد فينا بدون الثاني..

مرت السنوات وصداقتي تزداد قوتها مع خالد..


هاااااااااه الله الله بالردود..


ترى حتى الآن ما صار شي..