رومانسيات
فلان يا حبيبي الغالي.. حبيت أهديك من قلبي كلمتين
أحبك حب والله خيالي.. الله يعلم باللي في صدري دفين
حب وغلا وشوق للغالي.. وعشق مكتوب حتى عالجبين
والله مكانك فوق الناس عالي.. ما يتغير لو مرت سنين
صفاتك ما لها أبد مثالي.. أطيب من الطيبة وأحن من الحنين
أحبك أموت فيك يا شاغل البالي.. عسى الله يخليك لي يا نور العين
لما مسكت قلمي.. حبيبي تراوتلي نظرة عيونك.. طرالي أرسمها وهي تناظرني.. وألونها بدقات قلبي.. ما هان علي اني عيونك أرسمها.. ونظراتك على ورق أجمدها.. وانحرم من شوفها ترمش.. قررت اني أرسم.. أي شي بهالكون إلا عيونك.. بس يا دلعها أصابع ايديني.. عيت ترسم كل ما بالكون.. واختارت عيونك.. تسلملي عيونك يا حبيبي.. محفوظة في وسط عيني محبتها
تدري وين أشوفك؟؟
في أيامي اللي أعيشها وأحسها
وبين صفحات كتابي اللي أدرسها
وبين حروف أشعاري اللي أكتبها
وبين ألوان لوحاتي اللي أرسمها
وبين كل حرف وكلمة أهمسها
وبين طيات ثيابي اللي ألبسها
وبين خصلات شعري اللي أسرحها
أشوفك في كل نسمة هوا أتنفسها
صورتك ما غابت عني لحظة واكتشفت
إن طيفك في بالي مو في أشيائي اللي ألمسها
حروف اسمك أغنيها
ودي أفهم معانيها
سر سحرها غامض
أسرار عني تخبيها
حروف اسمك مثل لوحة
رسمها فنان سهر فيها
في كل لحظة أحب اني
حروف اسمك أناديها
أكتبها أشعار وقصايد
ألحنها وأغنيها
أدفنها وسط قلبي
أحفظها بصون وأداريها
كنت البكـا مـا أعرفـه وبقسوتك علمتني كيف أتفنن فيه
قبل لا تسكن قلبي ما كنت أدري بأنواع البكا ومعانيه
يوم أبكـي دمـوع ويوم دم من شراييني الشجون تطغيه
علمتني كيف أغرق في بحر دموعي كل ليلـة، وقلبي ما له من يواسيـه
وده يشكـي جروحــه لكنــه أرسلها لعيوني تصبها بأنهار تجاريه
ليتني أنسى حرارة دموعي وليت قلبي يلقى من يداويــه
الأربعاء أبريل 01, 2009 6:05 am
